GUARANÍ PUESTO 01
Che reñói hague
Táva porãite che reñòi hague jasypeteĩme
che py’aite guive ko ñe’ẽpoty ndéve aropojái,
che retã poty, ygárupami, Chákope reiméva
ha remoporã ndijavýi mbyja, pe ysyry hovy.
Nde reñongatúva kevrácho rykue tembiasa pa’úme,
hàcha ryapueta, sapukài puku, ka’aguy ryakuã
oguahẽ hikuái ygarupaitépe ” Tanino” rekávo
uru pytagua oguerahapa mayma ry’aikue.
Tàva porãite chereñòi hague neaño repytàma,
nde jàra tee, oje’oipaite, nemotyre’ỹ
mba’apoha ròga oñembotypa, perõma opyta
ha ñande yvýre, umi pytagua, oñemomba’e.
Mbohapy ary che ru oñorairõ tetã rayhupápe,
ha’e oĩpysyrõ upe Cháko yvy ani okañy,
ñembyasýpe opa, ndahaéi “voli” ra’e pyhyhàra
tetãyguavoínte hetã ohayhu’ỹva, amotyre’ỹ.
Rubén Domínguez Alvarenga
GUARANÍ PUESTO 02
Y remiandu
Tekove ñaña resa ypytũ,
Apysa ky’a, korasõ atã
Na reñeha’ã ehechakuaa
Ejapysaka, eñamindu’u
Sapukái rory puka retia’épe
Jepoyhu maymágui nde resaraipa
Araka’evépa ni aipo gua’uhápe
Reñamindu’úva cherupínteha
Che rasymaha ndereikuaaséi
Che pyahẽmante ha nerepenái
Pohayhu añetégui chéve nahi’ãi
Araka’eve che pytu opa
Néina tapicha peñomoirũmba
Pe chepytyvõ, takuera jevy
Peñangareko, tacheresãive
Chéko ame’ẽ tekove añete
Ne ñemoñare chéve nahi’ãi
Nderapykuerépe oiko oñokarãi
Ipu’akavévante itenondéne
Ha ikangyvévegui hesarái.
PEJU PEJUPA…
PEJU OJOPÓRE ÑAÑOMOIRŨMBA
ÑANDE YSYRY ÑAMOPOTȊMBA
ÑAÑANGAREKO, ANIVE IKY’A
JAHEKOMBO’E ÑANDE YKEREGUA
ANI ÑAIKYTȊ KO TEKOVE SÃ
Y remiandu
Tekove ñaña resa ypytũ,
Apysa ky’a, korasõ atã
Na reñeha’ã ehechakuaa
Ejapysaka, eñamindu’u
Sapukái rory puka retia’épe
Jepoyhu maymágui nde resaraipa
Araka’evépa ni aipo gua’uhápe
Reñamindu’úva cherupínteha
Che rasymaha ndereikuaaséi
Che pyahẽmante ha nerepenái
Pohayhu añetégui chéve nahi’ãi
Araka’eve che pytu opa
Néina tapicha peñomoirũmba
Pe chepytyvõ, takuera jevy
Peñangareko, tacheresãive
Chéko ame’ẽ tekove añete
Ne ñemoñare chéve nahi’ãi
Nderapykuerépe oiko oñokarãi
Ipu’akavévante itenondéne
Ha ikangyvévegui hesarái.
PEJU PEJUPA…
PEJU OJOPÓRE ÑAÑOMOIRŨMBA
ÑANDE YSYRY ÑAMOPOTȊMBA
ÑAÑANGAREKO, ANIVE IKY’A
JAHEKOMBO’E ÑANDE YKEREGUA
ANI ÑAIKYTȊ KO TEKOVE SÃ
Franfrana
GUARANÍ PUESTO 03
Ñaime ñande rogayguándi
Oñepyrũvo apañuãi ojapyhy tetã Paraguái
Maymáva tapicha hógape opyta opytu ́u
Mitãnguéra mainumby ra ́ýicha vy ́águi nehendái
itúa ha isy jyva ári, ohupytyse ikunu’u.
Túa ohechakuaa mitãnguéra oñembosaraiseha
Ita’ýrandi ojapo yvyrapyryrỹi, arasa rakãgui
Ombojeroky, omyasẽ yvýpe ohechauka ika’avoha
Mitã’i churi, ápe ha pépe oñani popo’i vy’águi.
Ohechávo túa kavaju yvyra oha’ã mitãmi
Oñembosaráima ijykére korapy pukukue
Hendakuéra, ñandu inimbópe oñapytĩ mbeguemi
Mokõive oñani hetágui, ovy’a ha hy’ái hekue.
Mitãkuña’i aivúpe tikichuela oha’ã ha’eñomi
Ohecha isy, pukavy isa’y hováre ombyaty mbokaja
Oguapy imemby ykére oñembosarái, oñombo’e’imi
Mokõive korasõ mbytetére vy’apavẽ oñemboja.
Túa ha sy ojapo hi’upy hetere’iva
Yvága korapy peve oñehetũva
Paraguái rembi’utee iporãrasáva
Mborayhu añete ombotuichaitereíva.
Kacholi